هذه القصيده تعبر عن معاناه كل عاطل

أشرق صباح السبت وين التباشير = أشــوف خلــق الله مــشـت للوظايف

وأشوف طلاب المدارس طــوابـير = جـيــلٍ عـلـى مستــقـبـل العمر خايف

كلمة مجرب ما سمعها من الغير =جـــرب وشـــاف وغيره اليوم شايف

متخرجٍ ولا شفت فالوضع تغيير =هذي ثمان سنين راحت حـســـايف

قضيتها بين الدوائــر مشـــــاوير=وعانيت من جــور الزمن والكــلايف

راحت حــيــاتـي كلبوها مخاسير=حتى تركــت النــاس وأقـفــيـت عايف

خلفــي زواج وبيت يحتاج تعمير=وغــيــره حمــول ثـقـال ما هي خفايف

أنا أشهد أني من رجـــالٍ مناعير=تاريــخــهـــم مـثـــل الجــبـال النوايف

ودي بخوة راعي الجود والخير=من آل السعود أهل السيوف الرهايف

ظل وذرى عن قاسيات المقادير=ويحفـنــي لاشـفــت فالوقــــت حــــايف